Posting on: www.facebook.com/langenachtderkirchen / Samstag, 25. April 2015
LINZER Update: Impuls-Reihe Teil 18/Osterzeitimpuls
Nochdenga, einigschbian und mei lebmsfreid ned valian.
Nochdenga, einigschbian und mei lebmsfreid ned valian.
Nochdenga.
iwa mi,
iwa mei lebm.
Iwa des, wos woa,
Iwa des, wos hiaz is,
Iwa des, wos amoi sei wiad.
Und dabei a weng eiwendi wean.
Nochdenga und einigschbian.
In mi,
in mei sei,
und in mei dduan.
Wos mechdd i genauaso doa, wia i des oiwai schau moch?
Und wo mechdd i oundas doa?
Wo iwanimm i vaoundworddung?
Und wos liegdd ned bei mir?
Nochdenga und einigschbian.
In mi,
in mei sei,
und in mei erlebm.
Wos mochdd mi ddraurig in meim lebm?
Wos mochdd mi zornig?
Wos mochdd mi mochddlos?
Und wo kaun i hoffm oda a wos duan?
Nochdenga und einigschbian.
In mi,
in mei sei,
und in mei erlebm.
Wos mochdd mi zfriedn?
Wos mochdd mi ruhig?
Wos gibdd mia krofdd?
Und wo is da sinn in meim lebm?
Nochdenga und einigschbian.
In mi,
in mei sei,
und in mei erlebm.
A, wouns ofdd schwa is.
A, wouns de oundan grod ned aso guadd gehdd.
A mei guadds erlebm einilossn, in mi.
Und schene begegnungen daunggboa ounehma.
Nochdenga, einigschbian und mei lebmsfreid ned valian.
Text: © 2015 Michaela Greil/Diözese Linz – Inspiriert durch zwei besondere Oberösterreicher: Mundartdichter Joschi Anzinger und Vollblutmusiker Hubert von Goisern
Foto: © 2015 Michaela Greil/MIG-Pictures e.U.
Michaela Greil ist Theologie-Studentin an der KTU Linz,
Mitarbeiterin der Langen Nacht der Kirchen in Oberösterreich,
Freie Journalistin und Öffentlichkeitsarbeiterin,
sowie Berufsfotografin und Filmemacherin.
